بسم الله
اسم مدونتك؟
لأبصر نفسى والأخرين الى الطريق الذى ينبغى ان يسلكه كل مسلم
النية : كسب الحسانات واتذكر انى اول ما بدأت المدونة فكنت ابحث عن اى ايميل لأى مدون لأعرف منه كيفية التدوين وغيره وعندها وجدت الضاكتور خالد صاحب مدنة ضاكتور خالد ...مصر ... المأروصة فكلمته وسألنى لماذا تريد عمل مدونة فقلت له لكسب الحسانات عن طريق نشر الخير فهذه نيتى من البداية
هل فكرت في إغلاق مدونتك؟ والسبب؟
لا
لماذا أغلق باب الخير ؟؟ أسال الله أن يكون كذلك
صورتك في المدونة ورمزيتها ؟؟
صورة أعجبتنى على موقع طريق الاسلام ووضعتها دون ان يكون لها ارتباط ولكنها ستظل الى ان يشاء الله هى صورة المدونة
لماذا دخلت عالم التدوين من الاساس؟
لنشر الخير
جمله قيلت لك فى وصف مدونتك؟
صحيح كلامك أخى كانت من صاحب أو صاحبة مدونة karamella
أسال الله أن يكون كلامى كذلك
التعليقات بالنسبه لك , اهميتها؟
تعتبر لينك بين المدون والمعلق
احلى بوست كتبته ...ضع اللينك , ثم اذكر لماذا؟
حقيقى بجد والله كتير بس الحقيقة فى بوست اثر فى وانا بقراه وهو للضاكتور خالد بعنوان !!!!!.....موت ورقة شجرة...عفنــة
فى تقريبا بوستين مش فاكر والله هما فى انهى مدونة بس كنت بقراهم وانا بعيط
أفضل مدونة قرأتها؟
كتير ولا احب ان انسى احد ولكن قريبا ان شاء الله سأضع على جانب المدونة فى المفضلة لينكات لمدونين ومدونات تقريبا من وجهة نظرى هؤلاء هم أفضل المدونات فى المدونات التى زرتها
حد قل أدبه فى التعليق إيه رد فعلك؟
الحقيقة محصلش والحمد لله كل اللى حصل اختلاف فى وجهات نظر ودا طبعا مقبول لأن الاختلاف فى الرأى لا يفسد للود قضية
أسوأ مدونة؟
كتير والله
أسوأ بوست أسوأ مدون..............؟
أسوء بوست : تقريبا وصل لى موصوع على الايميل عن طريق مجموعة المدونين العرب ذكر صاحب المدونة كلام جارحا فى حق الأمام ابن القيم رحمه الله وهم سبحان الله لا يفقهون شيئا ربنا يهديهم أو يأخذهم
أسوء مدون ؟؟
معروف
مع أنى معرفهوش بس جاوبت زى ما عصفور المدينة جاوب فى السؤال ده ياريت هو يقول لى عليه
هيحصل ايه لإيميلك لما تموت ؟؟
مع أنى معرفهوش بس جاوبت زى ما عصفور المدينة جاوب فى السؤال ده ياريت هو يقول لى عليه
هيحصل ايه لإيميلك لما تموت ؟؟
هيموت زى ما مات صحبه الا أن يشاء الله غير ذلك
اديت الباسوورد لحد قبل كده؟
لا طبعا امال اسمه باسوورد ازاى يعنى كلمة السر سر ميتقلش لحد
كانت إيه طبيعة علاقتك بيه؟
ليه؟؟!! انت عايز تعرف وتخده ولا ايه
اسمك؟
كرم
شخصيتك نوعها إيه؟
هادى جدا بس مع اللى بعرفهم ببقى اجتماعى جدا
السفر بالنسبة لك؟
تفكير كثير من الشباب ولكن بانسبة لى فقد جربته بسب تنسيق الثانوية رحت اسيوط بعيد عن السامعين واللى مش سامعين
اما السفر خارج البلد (مصر) عالم مجهول لم أجربه أسمع عنه فقط
وقت فراغك بتعمل فيه إيه؟
بيختلف حسب طبيعة الوقت يعنى ممكن القراءة ممكن التفكير وكده يعنى مليش حاجة معينة بعملها وقت الفراغ
المود بتاعك؟
يعنى ايه مود يعنى مثلا زى سؤال انت نظامك ايه ؟! ستة نظام /ستة مود
الاكلة المفضلة؟
فى كتير بس اهم كام حاجة السمك والمحشى والفصوليا الخضراء
الصفات اللي أخدتها من بابا؟
لا تعد ولا تحصى واخرها الصلع أبتدى يظهر
الصفات التي أخدتها من ماما ؟
الطيبة وحب الخير الأخرين والهدوء وغيرها
اكتر ست حاجات بحبها؟
النظام - النظافة - الصدق - أصحاب الهمم العالية - الشيخ مسعد انور - واحد اسمه اسلام
اكتر ست حاجات بكرهها؟
التعصب - الجدال - الظلم - الصداقة المؤقتة القائمة على المصلحة - الكذب - الكذب برضه عشان نبطل
الشغل بالنسبة لك؟
سبب لازم نأخد بيه
الانترنت بالنسبه لك؟
سلاح ذو حدين
امرره لمين ؟ وحان وقت التدبيس
بلاش تدبيس خليها مستورة
18 comments:
أخى الكريم
إجابات تلقائية وعفوية
سريعة وخاطفة لكنها تشبه النسيم فى الصيف يشعرك بألفة معه
من كتاباتك توقعت أنك شخصية إجتماعية لكن أن تحب المحشى بصراحة ما أستطعت أن أستنتجها من مدونتك الرزينة
عموما أفلت من التاج لكن لن تفلت من متابعاتى لكتاباتك الشيقة الملبئة بأقوال العلماء والحكماء
جزاك الله خيرا يا كرم على الدروس اللي بنسمعها عندك
:)
واجاباتك تدل على شخصية رزينة
تقبل تحيتي
----------------
شكرا جدا على اهتمامك بالاستقصاء وابداء رأيك
جميل أخي كرم وبخصوص سؤالك شرفني بقراءة هذا المقال
http://ctybrd.blogspot.com/2007/02/blog-post_25.html
وبعدين انت كدة غاشش مني إجابتين منهم بتاعة الصلع
بارك الله فيك ونفع بك وبنيتك
أنا حاقول لك جملة جميلة عن مدونتك
ساعة اما بالاقيك منزل بوست جديد باستعد للهدوء النفسي والسكينة
السلام عليكم
طال الليل
جزاك الله خيرا على تعبيرك وأسال الله أن أشبه نسيم فى الصيف يشعرك بألفة معه
السلام عليكم
آلام وآمال
جزانا الله وأياك
مقبولة تحياتك
حقيقى فكرة جيدة فكرة الاستقصاء اللى انت عملتها يارب تفيد الجميع
السلام عليكم
عصفور المدينة
بخصوص المقالة
حيقى مش مبالغة انا باستمتع وانا بقرأمواضيعك
أما بخصوص الغش فانا مغشتش غير بتاعت أسوء مدون أما الصلع فيبقى احنا مشتركين فيها وانا مجبتهاش من عندك
واعمالك ايه انت اللى سايب مدونتك مفتوحة للى جنبك وللى وراك وعلى كل اتجاه متخبى مدونتك شوية أو قول للمراقب الواد ده بيخش منى
هههههههههه
أما بخصوص جملتك عن مدونتى
أكيد دى مبالغة منك لكن مشكور على التعبير الجميل ده
جزاك الله خيرا
اهلا اخى
نقول اهلا بيك برضه فى عالم التدوين اعتقد ان حضرتك مش بتدون من زمان بس ربنا يكرمك وياريت ينتشر الفكر الجميل ده بين الناس بدون تعصب زى ما انت بتكره ولا جدال بارك الله فيك
ونفع بك
السلام عليكم
واهلا بيك
وبارك فيكم
حقيقى يارب ينتهى التعصب
احييك علي الاجابات
وعلي احساس الصدق اللي بتوصلة للقارىء بوركت
وفي انتظار البوست الجديد
ومنتظرة زيارتك
تحياتي
اه صحيح يا اخ كرم انا اخدت
الكود اللي بنستخدمة لما بنستعين
بمادة صوتية من احدى الاخوات
بس للاسف طلع فية كراك
وملفات تتبع واضطريت اشيلة تاني
ياريت لو مفيهاش تعب
تحطلي الكود اللي بتستخدمة في تعليق
الله يجزاك الخير تحياتي
السلام عليكم
ro7
وبارك فيكم
بخصوص الكود انا جربت يتحط فى تعليق عندك لكن مش راضى يتحط لكن حطيت صفحة فى مدونة فيها الكود والشرح
وجزاكم الله خيرا
إجاباتك جميلة يا كرم وتلقائية ومحببة للنفس
وساعدت في معرفة المزيد من شخصيتك الهادئة
بارك الله لك
بوركتم على الردود
اخوكم
ابو مفراح
لذيذ التاج ده
عرفنا كتير عنك وعن شخصيتك وده بيقربنا من بعض ونفهم كل واحد بيفكر ازاي وبيعمل ايه في دنيته
ماشاء الله جزاك الله خيرا
والله كسفتني لما ذكرتني
سبحان الله فعلا التعليقات لها تاثير خاص
السلام علكم
المهاجر
وبارك فيك أخى الكريم
السلام عليكم
ابو مفراح
هذه أول زيارة أظن لمدونتى المتواضعة ياريت متكنش الأخيرة اهلا بك فى المدونة دائما
وبارك فيكم
السلام عليكم
karamella
جزانا الله وأياكم
انا فى الأول مكنتش فاهم هو ايه اساسا التاج بس فهمته وطلع بيبين المستخبى وبيبين حقيقة المدون ففعلا مفيدة حكاية التاج ديه
انتى عارفة انا قعدت ادور فى كل التعليقات على كلمة ملفتة ملقتش غير كلمتك
صحيح كلامك أخى
اسال الله أن يكون كذلك
السلام عليكم
تم رسميا بدء دروس مدونة العلم الشرعية
مدرسة العلوم الشرعية المبسطة
يرجى التواصل معنا بالنصح والمتابعة
Post a Comment